Sardiyon ke mausam mein garam soup sirf taste hi nahi balke sehat ke liye bhi bohat faidemand hota hai. Aaj hum bana rahe hain Healthy Vegetable Soup jo ke light, nutritious aur bohat asaan hai. Yeh soup bachon, baron aur weight loss ke liye bhi best option ha

 Chicken Vegetable Soup Recipe | Healthy Winter Special

Ingredients

• 1 cup chicken (boiled & shredded)
• 1 cup gajar (carrot) chopped
• 1 cup band gobhi (cabbage) chopped
• ½ cup beans chopped
• ½ cup sweet corn
• 1 small piyaz chopped
• 4 cups chicken stock
• 1 tbsp cornflour
• 1 anda (egg) – optional
• Namak hasb-e-zaiqa
• Kali mirch powder
• 1 tbsp soy sauce
• 1 tsp vinegar
• 1 tbsp cooking oil
• Hara pyaz garnish ke liye

Method

1. Sab se pehle pan mein oil garam karein aur piyaz halka sa fry karein.
2. Ab sab vegetables add kar ke 2–3 minute bhun lein.
3. Chicken aur chicken stock daal kar medium flame par 10–15 minute pakne dein.
4. Cornflour ko thore se pani mein ghol kar soup mein add karein aur achi tarah mix karein.
5. Ab namak, kali mirch, soy sauce aur vinegar daal dein.
6. Agar anda use kar rahi hain to soup ko halki flame par rakh kar beat kiy hue  anday ahista ahista daalte hue chamach chalate rahein.
7. 5 minute aur pakayein jab tak soup thora thick ho jaye.
8. Hara pyaz daal kar garam garam serve karein.

Serving Tips

Chicken vegetable soup ko winter evenings mein bread slices, crackers ya lemon ke sath serve karein. Zyada spicy pasand ho to green chili sauce bhi add kar sakti hain.

Health Benefits

Immunity ko strong karta hai

Sardi, flu aur weakness mein faidemand

Protein aur vitamins se bharpoor

Weight control aur digestion ke liye acha.

Conclusion

Agar aap healthy aur tasty winter recipe dhoond rahe hain to yeh soup zaroor try karein aur apna feedback comments mein share karein.